श्री. बसवराज म.भद्रगोंड
संचालक (प्रकल्प), मेट्रो, मेट्रो-पी.आई.यु

श्री. अनिल साळुंखे
संचालक (कार्य), मेट्रो, मेट्रो-पी.आई.यु

श्री. सुशील चंद्रा
संचालक (सिस्टम) मेट्रो, मेट्रो - पीआययू

 

मुंबई ही भारताची आर्थिक राजधानी असुन व्यापार आणि उद्योग व्यवसायाचे मध्यवर्ती केंद्र आहे. मुंबईतील सार्वजनिक परिवहन व्यवस्थेमधील मागणी व पुरवठ्यातील तफावतीमुळे सध्याच्या उपनगरीय रेल्वे सेवेवर प्रचंड ताण पडत आहे. बससेवेची भूमिका केवळ उपनगरीय रेल्वेला पूरक सेवा पुरविणे एवढयापर्यंत मर्यादित आहे.

सध्याच्या उपनगरीय रेल्वे प्रणालीची जोडणी नसलेल्या भागात राहणाऱ्या लोकांना रेल्वे आधारित सामूहिक जलद परिवहन सेवा उपलब्ध करून देण्यासाठी मुंबई मेट्रोचा बृहत आराखडा हाती घेण्यात आला, जेणेकरून त्यांना ½ ते 1 किमी अंतरावरील स्थानकांपर्यंत पोहोचता येईल.

मुंबईमध्ये एक सुरक्षित, आरामदायक रेल्वे आधारीत सामूहिक जलद परिवहन सेवा पुरविण्याच्या दृष्टीने तसेच प्राधान्यक्रम असलेल्या मार्गाचा सविस्तर प्रकल्प अहवाल तयार करण्यासाठी मुंबई महानगर प्रदेश विकास प्राधिकरणाने दिल्ली मेट्रो रेल महामंडळाची (डि.एम.आर.सी) (ज्यांना टाटा सल्लागार संस्था-TCS आणि भारतीय तंत्रज्ञान संस्था - IIT, मुंबई यांनी मदत केली) माहे मे, 2003 मध्ये नेमणूक केली होती.

मुंबई मेट्रोच्या बृहत आराखड्याची टप्प्याटप्प्याने अंमलबजावणी करण्यासाठी प्राधिकरणाने 28 मे, 2004 रोजी झालेल्या बैठकीत मान्यता दिली. बृहत आराखड्यामध्ये 146.5 किमी लांबीच्या 9 मार्गांचा समावेश आहे, त्यापैकी 32.5 किमी भूमिगत आणि उर्वरित उन्नत मार्ग आहेत. बृहत आराखड्यावर मते, सूचना आणि हरकतींसाठी 22 जानेवारी, 2004 रोजी सार्वजनिक सुनावणी घेण्यात आली.

सदर आराखड्यातील मार्गांचे अंमलबजावणी धोरण निश्चित करतेवेळी व सविस्तर प्रकल्प अहवाल तयार करताना त्यात काही बदल करण्यात आले.

वरील माहितीसह मेट्रो मार्गांची एकूण लांबी 337 कि.मी. असेल आणि यापैकी बहुतांश मेट्रो मार्ग सन 2024-26 पर्यंत पूर्ण करण्याचे उद्दिष्ट आहे. या सर्व मेट्रो मार्गांचे काम पूर्ण झाल्यावर मेट्रोच्या जाळ्यांद्वारे दररोज सुमारे 100 लाख प्रवासी त्याचा फायदा घेऊ शकतील, जी मुंबईच्या उपनगरीय रेल्वे प्रणालीच्या 1.3 पट आहे, त्यामुळे सार्वजनिक वाहतूक व्यवस्थेची क्षमता दुपटीने वाढून पुढील चार ते पाच दशकांसाठी मुंबईतील वाहतूक समस्यांवर दिलासा मिळणार आहे.

• Click here to view high resolution map of Mumbai Metro Master Plan

You can reach through email at - 

• Shri. Basavaraj M. Bhadragond, Director (Projects) Metro : [email protected]
• Shri. Anil Salunkhe, Director (Works) Metro              : [email protected]
• Shri. Sushil Chandra, Director (System) Metro              : [email protected]